Solothurner-Lied

Es lit es Städtli wunderhübsch, am blaue Aarestrand.
's isch immer so gsi - 's isch immer so gsi!
Es gugget der Sankt-Urseturm wyt usen über's Land.
's isch immer, 's isch immer so gsi!
Viel liebi alti Chlöster het's und Giebel, Turm und Tor:
Es wohnt es eiges Völkli drinn, voll G'müet und voll Humor.
Si Lybspruch isch: Wo's g'müetlig goht, do bin i au derbi.
's isch immer, 's isch immer so gsi!

Soledurn sig frömmer no, als anderi Schwyzerstädt.
's isch immer so gsi - 's isch immer so gsi!
Will me hie ne ganze Hufe Bruederschafte het.
's isch immer - 's isch immer so gsi!
Alli Johr es Galafrässe und e guete Wy,
Christe, Heide, Katholike - alles isch derby.
Doch dä wo öppis ändre wett, chäm ganz as lätz Ort hi:
's isch immer, 's isch immer so gsi!